Қалалық тілдерді оқыту-әдістемелік орталығында қазақ тілін үйренуге сұраныс артқан. Тіл үйренушілер қатарында өзге этнос өкілдері басым. Бұдан өзге «іс қағаз жүргізу» және кәсіби қазақ тілін үйренгісі келетіндерде көп. 12 ұстаз қызмет ететін орталық басшысы жауаптылардан стандартқа сай ғимарат беруін сұрайды. Себебі мұндағы сыныптар тар болғандықтан тыңдаушыларды бірнеше топқа бөліп оқытуға мәжбүр болады.
Қалалық тілдерді оқыту – әдістемелік орталығында 12 ұстаз қызмет етеді. Қала тұрғындары орталыққа келіп, қазақ, орыс және ағылшын тілін ақысыз түрде меңгере алады. Мамандардың сөзінше мемлекеттік тілді меңгеруге ниет білдірген өзге этнос өкілдерінің де саны артқан. Мекемеде 6 айдан бері білім алып жатқан тыңдаушының бірі Ирина Жанская. Сөзінше ол қазір қазақ тілін меңгеру бойынша екінші деңгейге өткен.
ИРИНА ЖАНСКАЯ —ТЫҢДАУШЫ
Менің атым Ирина. Жасым 40-та. Орталыққа қазақ тілін үйренуге келдім. Менің ұстазым Мөлдір Абайқызы . Біз Қазақстанда тұрғандықтан мемлекеттік тілді білуіміз керек.
Бұдан өзге орталық мамандары тіл мәртебесін көтеру үшін бірқатар семинар, байқаулардыда ұйымдастырады. Мәселен биыл өзге этнос өкілдері арасында көркем сөз оқу сайысы өтсе, үш тілді меңгерген мемлекеттік қызметкерлер арасында тіл шебері байқауында өткізген.
ГҮЛЗИНА ҚУАНЫШБЕКҚЫЗЫ — ҚАЛАЛЫҚ ТІЛДЕРДІ ОҚЫТУ — ӘДІСТЕМЕЛІК ОРТАЛЫҒЫНЫҢ БӨЛІМ БАСШЫСЫ
Бізде орталықтың негізгі жұмыс бағыты тілдерді оқыту болып табылады. Және біз ҚР тілдерді дамытуға арналған 2021-2022 ж бағдарламасын басшылыққа алып жұмыс жасаймыз. Негізгі мақсатымыз тілдерді оқыту сонымен қатар мемлекеттік тілді оқыту барысында шаралар ұйымдастыру. Яғни орталықтың белгілі бір жұмыс жоспары белгіленген. Соның аясында бізде байқаулар, түрлі іс –шаралар ұйымдастырылып отырады.
Деседе қазір орталықта ағылшын тілі ұстазына тапшылық білінеді. Оған мекемедегі еңбекақының төмендігі себеп болуы мүмкін дейді орталық басшысы. Сондай-ақ сала жауаптыларынан ғимарат мәселесін шешіп беруді сұрап отыр.
ГҮЛМИРА ЖАНЫСБЕКОВА —ҚАЛАЛЫҚ ТІЛДЕРДІ ОҚЫТУ — ӘДІСТЕМЕЛІК ОРТАЛЫҒЫНЫҢ ДИРЕКТОРЫ
Әрине ғимарат мәселесі, үлкен мәселе болып тұр. Ол біріншіден бөлмедер өте тар. Мемлекеттік стандартқа мүлдем келмейді. Сабақ өту мүмкіндігі өте төмендету. Басқа өңірлерде тіл сарайы бар. шымкент мегаполис болған соң, біздедед тілге бетбұқрыс жасайды деген ойдамыз. Оның барлығы жаймен болады.
Айта өтсек, Шымкент қалалық тілдерді оқыту-әдістемелік орталығы 1997 жылы «Мемлекеттік тілді міндетті және ақысыз оқыту орталығы» ретінде қызметін бастаған. Орталықта мемлекеттік және мемлекеттік емес мекемелер, кәсіпорындар мен басқа ұйымдар қызметкерлеріне, тілдерді оқытудан бөлек, «мемлекеттік тілде іс-қағаз жүргізу», «Латын графикасын оқыту», курстары мен насихаттау шараларын ұйымдастырылады.
