Отырар АПБ кезекші бөліміне кәмелетке толмаған баланың ауруханаға жарақатпен түскені туралы хабарлама келген. Анықталғандай, Шәуілдір ауылындағы балабақшаның жанында баланың көлік қағып кету салдарынан дене жарақатын алған.
Аталған жайт Қазақстан Республикасы ҚК-нің 345-бабы 2-бөлігі бойынша тіркелді. «Опель» маркалы автокөлік айыптұрағына қойылды. Сараптама тағайындалды. Қазіргі таңда сотқа дейінгі тергеу амалдары жүргізілуде. Оқиғаның толық мән-жайы анықталуда.
Еске салайық, Түркістан облысы, Отырар ауданы, Шәуілдір ауылында кезекші көлікпен балабақшаға жеткізілген 1,5 жасар балаға шұғыл түрде ота жасалған. Балабақша басшылығының мәліметінше, бүлдіршін көліктен түскен соң тасқа сүрініп, құлап қалған. Алайда сәбидің анасы ұлының жай құлап қалып, көптеген жарақат алғанына сенбей төртінші билік өкілдерінен көмек сұраған болатын.
