Шымкентте бензин бағасы 7 теңгеге қымбаттады

Сұйық отынның құны көтерілгенін шымкенттік жүргізушілер бірден байқай қоймады. Есесіне, бензин бағасы жеті теңге қымбаттап, шыға келді.

Қазіргі таңда қаладағы бірнеше жанармай құю бекеттеріндегі бағам өзгеріп шықты.

Ал «Жанар-жағармай қауымдастығының» төрағасы Қайыпбек Қамбаров бағамның көтерілуін құптамайды : «Нарық заманына байланысты көтеріліп отырғаны дұрыс. Яғни, бірден жеті теңгеге емес, ай сайын бір-екі теңгеге өсуі керек» — дейді.

Айта өтейік, «2020 жылдың 1 қаңтарынан бензин акцизі екі есеге дейін көтеріледі – тоннасына 10 500 теңгеден 24 435 теңгеге дейін. Бұл өз кезегінде бензин бағасына әсер етеді.

Бензин бағасы литріне 10 теңгеге өседі. Яғни, бір литр үшін акциз 8 теңгеден 18 теңгеге дейін ұлғаяды»-деген мәліметті жауапты ведомоствоның өзі таратқан болатын.

Ал дизельді отын мен сығымдалған газ өз бағасында тұр.